Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 730 Hüküm no: 943 Orijinal metin no: [112b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Efendi’nin İbrahim Çavuş’a borçlu olduğu Mahmiye-i İstanbul’da Emir Buhârî kurbunda sâkin es-Seyyid Mehmed Efendi b. es-Seyyid İbrahim meclis-i şer‘-i hatîr-i lâzımü’t-tevkīrde işbu râfi‘ü hâze’l-kitâb es-Seyyid İbrahim Çavuş b. Halil mahzarında ikrâr ve takrîr-i kelâm edip mezbûr es-Seyyid İbrahim Çavuş’a cihet-i karz-ı şer‘îden yüz yirmi esedî guruş ve semenden târih-i kitâbdan ay tamâmına değin müeccel sîm raht ve reşme ve alem bir eğer ve bir dikdik bahâlarından dahi yüz guruş cem‘an altı yüz yirmi esedî guruş zimmetimde vâcibü’l-edâ ve lâzımü’l-kazâ deynim vardır deyû ikrâr ve i‘tirâf etmeğin mâ hüve’l-vâki‘ bi’t-taleb ketb olundu. Fi’l-yevmi’l-hâmis ve’l-ışrîn min şehri Ramazâni’l-mübârek li sene seb‘a ve seb‘în ve elf Şuhûdü’l-hâl: Es-Seyyid Abdullah Efendi el-İmâm, Ahmed Ağa Kethüdâ-yı nakībü’l-eşrâf, es-Seyyid Hasan Çavuş b. ( ), es-Seyyid Mehmed Çavuş, Baba Süleyman.