Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 380 Hüküm no: 501 Orijinal metin no: [75b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi b. Ali’nin Mahmud Çelebi’yi vekil tayin etmesi Mahmiye-i Galata’da Câmi‘-i Kebîr mahallesinde sâkin Mehmed Çelebi b. Ali nâm kimesne meclis-i şer‘de işbu bâ‘isü’l-kitâb Mahmud Çelebi b. Mehmed nâm kimesne mahzarında ikrâr ve takrîr-i kelâm edip mahalle-i mezbûrede sâkine iken bundan akdem [76a] vefât eden Emine bt. Ali nâm hâtunun vâris-i ma‘rûfu olmamak zu‘muyla muhallefâtına vâzı‘ü’l-yed olan Siyavuş Ağa’dan müteveffâ-yı mezbûrun muhallefâtını da‘vâ ve talebe ve ahz ü kabza ve lâzım gelirse sulh [ve] ibrâya ve bedel-i sulhü bana îsâle ve kabz [ve] îsâl mütevakkıf olduğu umûrun cümlesine mezbûr Mahmud Çelebi’yi tarafımdan vekîl ve nâib-i menâb nasb ve ta‘yîn eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâmin mine’l-Muharremi’l-harâm li sene erba‘a ve seb‘în ve elf. Şuhûdü’l-hâl: Ali Çelebi b. Ahmed, İbrahim Çelebi b. Ali, Mustafa Çelebi b. Musa, el-Hâc Ramazan b. Mehmed, Ebûbekir Beşe b. Şaban Çukadâr.