Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 382 Hüküm no: 504 Orijinal metin no: [76a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola v. Lozo’ya olan borcunu ödemesi hususunda Yorgi v. Dimo’ya tenbihte bulunulduğu Meyhâneci tâifesinden râfi‘ü’s-sifr Nikola v. Lozo nâm zimmî mahfil-i kazâda yine tâife-i mezbûreden Yorgi v. Dimo nâm zimmî muvâcehesinde üzerine da‘vâ ve takrîr-i kelâm edip mezbûr Yorgi zimmetinde cihet-i karz-ı şer‘îden on iki bin sekiz yüz akçe hakkım vardır suâl olunup alıverilmesi matlûbumdur dedikde gıbbe’s-suâl mezbûr Yorgi cevâbında fi’l-hakīka merkūm Nikola’ya cihet-i karz-ı şer‘îden on iki bin sekiz yüz akçe zimmetimde lâzımü’l-edâ ve vâcibü’l-kazâ deynim vardır deyû bi tav‘ihî ikrâr ve i‘tirâf etmeğin mûcebiyle meblağ-ı mezbûrun edâsına mezbûr Yorgi’ye tenbîh birle mâ vaka‘a bi’t-taleb ketb olundu. Fi’l-yevmi’s-sânî mine’l-Muharremi’l-harâm li sene erba‘a ve seb‘în ve elf. Şuhûdü’l-hâl: Eyüb Ağa b. Abdülvehhâb, Ahmed Yazıcı b. Mehmed, Hüseyin b. Mirza, Mustafa b. Receb ve gayruhüm.