Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 382 Hüküm no: 505 Orijinal metin no: [76a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Voyvoda Siyavuş Ağa’nın kethüdası tarafından Kasımpaşa’da ele geçirilen köle Yuvan için nafaka tayini Mahmiye-i Galata’da bi’l-fi‘l voyvoda ve zâbit-i avâbık olan fahrü’l-akrân Siyavuş Ağa’nın kethüdâsı ve tarafından vekîl-i müsecceli olan işbu râfi‘ü’l-kitâb İsmail Ağa nâm kimesne mahfil-i kazâda takrîr-i kelâm bast-ı merâm edip işbu hâzır bi’l-meclis açık kaşlı gök gözlü orta boylu Hırvatiyyü’l-asl Yuvan târih-i kitâbdan on sekiz gün mukaddem abd-i âbık olmak üzre kasaba-i Kasımpaşa’da ahz olunmuşdur, hâlâ suâl olunup takrîri tahrîr ve sûreti yedime i‘tâ olunup kıbel-i şer‘den mezbûr için nafaka takdîr olunmak matlûbumdur dedikde gıbbe’s-suâl mevsûf-ı mezbûr abd-i âbık olduğunu mukır ve mu‘terif olmağın mevsûf-ı mezbûr için kıbel-i şer‘den onar akçe nafaka takdîr olunmağın mâ vaka‘a bi’t-taleb ketb olundu. Fi’l-yevmi’s-sâbi‘ mine’l-Muharremi’l-harâm li sene erba‘a ve seb‘în ve elf. Şuhûdü’l-hâl: Fahrü’l-kuzât Resul Efendi b. Mehmed, umdetü’l-kuzât Ramazan Efendi b. Zeynelabidin, İsmail b. Mehmed, Hüseyin b. Mustafa, Yusuf Efendi el-Hatîb, Ömer Çelebi b. ( ), İsmail Çelebi b. Mustafa, Muharrem b. Receb, Hüseyin b. Mirza ve gayruhüm.