Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 382 Hüküm no: 506 Orijinal metin no: [76b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ermeni Ohan v. Agop’un Arakil v. Serkis’e hakaret ettiği Habbâz tâifesinden Arakil v. Serkis Ermeni meclis-i şer‘-i hatîr-i lâzımü’t-tevkīrde Ohan v. Agop nâm Ermeni muvâcehesinde üzerine da‘vâ ve takrîr-i kelâm edip târih-i kitâb günü mezbûr Agop beyne’s-salâteynde bi gayr-ı vech-i şer‘î kallâb deyû şetm eylemişdir, suâl olunup mûceb-i şer‘îsi icrâ olunmak murâdımdır dedikde gıbbe’s-suâl mezbûr Ohan cevâbında fi’l-hakīka müdde‘î-i mezbûr Arakil’e bi gayr-ı vech-i şer‘î kallâb deyû şetm eylediğini bi tav‘ihî ikrâr ve i‘tirâf etmeğin mâ vaka‘a bi’t-taleb ketb olundu. Fi’l-yevmi’l-âşir mine’l-Muharremi’l-harâm li sene erba‘a ve seb‘în ve elf. Şuhûdü’l-hâl: Mustafa b. Receb, Hasan b. Abdullah, Şaban b. Ahmed, Ahmed Yazıcı b. Mehmed.