Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 384 Hüküm no: 509 Orijinal metin no: [76b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Havva bt. Abdullah’ın Abdi b. Abdullah ile evlendiği Mahmiye-i Galata’da Alacamescid mahallesinde sâkine Havva bt. Abdullah nâm hâtun meclis-i şer‘-i hatîr-i lâzımü’t-tevkīrde bâ‘isü’l-kitâb yine mahmiye-i mezbûrede Çukurcâmi‘ mahallesinde sâkin Abdülkerim b. Abdullah nâm kimesne muvâcehesinde bi’t-tav‘i’s-sâf ikrâr ve i‘tirâf edip mezbûr Abdülkerim’e fıddî ve râyic fi’l-vakt dört yüz akçe mehr-i müeccel üzerine Allâhü te‘âlâ’nın emr-i şerîfî hazret-i habîb-i ekrem sallallâhu te‘âlâ aleyhi ve sellem hazretlerinin şerî‘at-ı mutahharası üzerine zeyl-i kitâbda mastûrü’l-esâmî olan şuhûd mahzarında nefsimi tezvîc edip ol dahi vech-i muharrer üzre tezevvüc [ve] kabûl eyledi dedikde mezbûre Havva’nın vech-i meşrûh üzre sâdır olan kelimâtını merkūm Abdülkerim vicâhen tasdîk ve şifâhen tahkīk etmeğin mâ vaka‘a bi’t-taleb ketb olundu. Fi’l-yevmi’t-tâsi‘ mine’l-Muharremi’l-harâm li sene erba‘a ve seb‘în ve elf. Şuhûdü’l-hâl: Fahrü’l-eşbâh İsmail Ağa b. Yusuf Kethüdâ, Mustafa Çelebi b. Receb, Ahmed Yazıcı b. Mehmed, Emrullah b. Mustafa, Hamza b. Abdülganî.