Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 731 Hüküm no: 945 Orijinal metin no: [113a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühani bt. Ali’nin, Ali b. Mehmed’den muhâlaa yoluyla boşandığı Mahmiye-i İstanbul’da Arabacı Bayezid mahallesi sâkinelerinden Ümmühâni bt. Ali nâm hâtun meclis-i şer‘-i şerîf-i lâzımü’t-teşrîfde zevci işbu bâ‘isü’l-kitâb Ali b. Mehmed nâm kimesne mahzarında ikrâr ve takrîr-i kelâm edip mezbûr Ali zimmetinde mütekarrir ve ma‘kūdun-aleyh olan bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet süknâm dahi kendi üzerime olmak üzre mezbûr Ali ile muhâla‘a-i sahîha-i şer‘iyye ile muhâla‘a edip ol dahi muhâla‘a-i mezbûreyi kabûl ettikden sonra zevciyyete müte‘allika da‘vâdan her birimiz âharın zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâdis ve’l-ışrîn min [şehri] Ramazâni’l-mübârek li sene seb‘a ve seb‘în ve elf. Şuhûdü’l-hâl: Mustafa b. Osman, Mehmed b. İbrahim, Ali b. Mehmed, İbrahim Çelebi b. Mehmed.