Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 387 Hüküm no: 514 Orijinal metin no: [77b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ramazan b. Hayran’ın cariyesi Gülistan’ı sözleşmeli olarak azat ettiği Mahmiye-i Galata’da Câmi‘-i Kebîr mahallesinde sâkin Ramazan b. Hayran nâm kimesne meclis-i şer‘-i hatîr-i lâzımü’t-tevkīrde kendiye rıkkını mu‘terife olan işbu açık kaşlı gök elâ gözlü uzun boylu Rusiyyetü’l-asl bâ‘isetü hâze’l-kitâb Gülistan bt. Abdullah muvâcehesinde ikrâr ve takrîr-i kelâm edip bundan akdem mevsûfe-i mezbûreyi beş bin akçe vermek üzre kitâbete kat‘ etmiş idim hâlâ bedel-i kitâbet olan meblağ-ı mezbûr beş bin akçeyi mevsûfe-i mezbûrenin yedinden bi’t-tamâm ve’l-kemâl ahz ü kabz eyledim, ba‘de’l-yevm mevsûfe-i mezbûre Gülistan sâir harâir-i asliyyât gibi hürre olup üzerinde hakk-ı velâdan gayrı hakkım kalmadı dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’t-tâsi‘ aşer mine’l-Muharremi’l-harâm li sene erba‘a ve seb‘în ve elf. Şuhûdü’l-hâl: Ali Reis b. el-Hâc Ramazan, Ahmed Çelebi b. Mehmed, Mustafa Çelebi b. Ahmed, es-Seyyid Ahmed Çelebi b. Ahmed, Yusuf b. Abdullah, Mustafa b. Receb.