Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 79 Hüküm no: 17 Orijinal metin no: [4b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çukacı İvaz Beşe’nin oğluna vasî tayin olunan Ebubekir için Nebi Beşe’nin nâzır tayin edildiği Medîne-i Hazret-i Ebâ Eyyûbe’l-Ensârî -aleyhiˈr-rahmetullâh- mahallâtından Ali Paşa mahallesi sükkânından iken bundan mukaddem vefât eden Çukacı el-Hâc Ivaz Beşeˈnin sulbî oğlu Ahmedˈin tesviye-i umûruna cânib-i şerî‘at-i mergūbeden mansûb vasîsi olan el-Hâc Ebûbekirˈin üzerine bir hasbî nâzırdan lâ-büd olduğunu zeyl-i kitâbda mastûrüˈl-esâmî olan Müslimîn ihbâr etmekle hâkim-i muvakki‘-i kitâb tûbâ-lehû ve hüsnü-meâb dahi hâmil-i hâzeˈr-rakīm Nebî Beşe b. Mehmed nâm kimesneyi vasî-i mezbûr üzerine hasbî nâzır nasb ve ta‘yîn edip ol dahi nezâret-i merkūmeyi kabûl ve merâsimini edâya ta‘ahhüd etmeğin mâ vaka‘a biˈt-taleb ketb olundu. Fî-evâsıtı şehr-i Zilhiccetiˈş-şerîfe li-sene selâse ve semânîn ve elf. Şuhûdüˈl-hâl: Abdi Çavuş, Hüseyin Efendi el-imâm, Seyyid Yoğurtçu Beşe, Hamamcı Hasan Çelebi, Nükûr?/Mükevvir? Mustafa Çelebi b. Süleyman, Hâfız Mehmed Efendi, Nükûr?/Mükevvir? Mehmed Çelebi, es-Seyyid Mustafa Çelebi el-attar, Kaymakçızâde Mehmed Çelebi