Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 92 Hüküm no: 28 Orijinal metin no: [6b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Hüseyin ve Fâtıma adlı küçüklere annelerini vasî atadığı Mahmiye-i Galata muzâfâtından Tophâne mahallâtından Cihangir mahallesinde sâkin iken bundan akdem vefât eden Kalafat Hasan Beşe’nin Hüseyin nâm sagīr oğluyla Fâtıma nâm sagīre kızının tesviye-i umûruna vasî lâzım olmağın, hâkim-i muvakkı‘-ı hâze’l-kitâb, sagīreyn-i mezbûreynin müteveffâ-yı mezbûr babalarından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğlarına değin anaları hâmiletü hâze’l-kitâb Şâkire bt. Abdullah nâm hatunu vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’t-tâsi‘ min-Muharremi’l-harâm li-sene erba‘a ve semânîn ve elf. Şuhûdü’l-hâl: Es‘ad Efendi el-imâm, Mehmed Halîfe b. Mehmed el-müezzin, Hamza Beşe b. Mehmed, Receb Bey b. Abdullah, Abdi Beşe b. Ramazan, Eyüb Beşe er-reîs, Ali Bey b. Halil