Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 93 Hüküm no: 29 Orijinal metin no: [6b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Hüseyin ve Fâtıma adlı küçüklere nafaka takdir ettiği Mahmiye-i Galata muzâfâtından Tophâne mahallâtından Cihangir mahallesinde sâkin iken bundan akdem vefât eden Kalafat Hasan Beşe’nin Hüseyin nâm sagīr oğluyla Fâtıma nâm sagīre kızına müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını sagīreyn-i merkūmeynin anası ve hâdinesi bâ‘isetüˈl-vesîka Şâkire bt. Abdullah taleb etmeğin, hâkim-i muvakkı‘-ı sadr-ı kitâb dahi sagīreyn-i mezbûreynin her birine nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt üç akçe farz ve takdîr edip vakt-i zarûretde istidâne ve hîn-i zaferde rücû‘a mezkûre Şâkire hatuna izin birle mâ-vaka‘a biˈt-taleb ketb olundu. Cerâ zâlike ve hurrire fi’l-âşir min-Muharremi’l-harâm li-sene erba‘a ve semânîn ve elf. Şuhûdü’l-hâl: Mâ-sebeka