Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 94 Hüküm no: 31 Orijinal metin no: [7a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum Ahmed Ağa’nın oğullarına, Salih Çelebi’nin vasî tayin edildiği Medîne-i Hazret-i Ebâ Eyyûbeˈl-Ensârî aleyhi rahmetüˈl-Bârî mahallâtından Baba Haydar mahallesinde sâkin iken bundan akdem vefât eden Ahmed Ağa b. Kurdˈun sulbî oğulları Mehmed ve Murad ve Süleyman ve Şit ve Mustafa ve İbrahimˈe babaları müteveffâ-yı mezbûrdan intikāl eden mallarını hıfz ve hâllerini zabta bir vasî lâ-büd olmağla hâkim-i muvakki‘-i sadr-ı kitâbtûbâ-lehû ve hüsnü-meâb hazretleri işbu bâ‘isüˈl-vesîka Salih Çelebi b. Murad her vechle sadâkat ve istikāmet ile ma‘rûf olmağın minvâl-i muharrer üzre sıgār-ı mezkûrînin tesviye-i emirlerine vasî nasb ve ta‘yîn eyledikde ol dahi hizmet-i lâzımesini edâya müte‘ahhid olmağın bu vesîka biˈt-taleb ketb olundu. Fiˈl-işrîn min-Zilhiccetiˈş-şerîfe li-sene selâse ve semânîn ve elf. Şuhûdüˈl-hâl: Mefharüˈl-a‘yân Şa‘bân Ağa, Mehmed Çelebi b. Ömer, Esad Çelebi b. Mesud, Ebussuûd Çelebi b. Mesud, Mehmed Çelebi b. Mehmed, Kethudâ Hasan Beşe, Mirza b. Abdullah, Bayram Çelebi b. İbrahim