Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 126 Hüküm no: 56 Orijinal metin no: [12b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babaları ölen dört çocuğa vasî atadığı Mahrûse-i Galata muzâfâtından Kasımpaşa mahallâtından Küçükpiyâle[paşa] mahallesinde sâkin iken bundan akdem vefât eden Ömer Çavuş’un Mehmed, Ahmed, Mustafa ve Sâliha nâm evlâd-ı sıgārının tesviye-i umûruna vasî lâzım olmağın, hâkim-i muvakkı‘-ı hâze’l-kitâb, sıgār-ı mezbûrînin müteveffâ-yı mezbûr babalarından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğuna değin babası hâmil-i hâze’l-kitâb İbrahim b. İlyas nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-hâmisi aşere min-Muharremi’l-harâm li-sene erba‘a ve semânîn ve elf. Şuhûdü’l-hâl: Mâ-sebeka