Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 169 Hüküm no: 84 Orijinal metin no: [20a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babaları ölen dört çocuğa annelerini vasî atadığı Hâl-i hayatında mahmiye-i Galata muzâfâtından Tophâne mahallâtından Karabaş mahallesinde sâkin iken bundan akdem Abaza vilâyetinde vefât eden Hüseyin Beşe’nin Mehmed, Sâliha, İbrahim ve Halil nâm evlâd-ı sıgārının tesviye-i umûruna vasî lâzım olmağın, hâkim-i muvakkı‘-ı a‘lâhu, sıgār-ı mezbûrînin müteveffâ-yı mezbûr babalarından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğlarına değin hâmile-i hâze’l-kitâb Fâtıma bt. Siyavuş nâm annelerini vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’l-âşir min-Saferü’l-hayr li-sene erba‘a ve semânîn ve elf. Şuhûdü’l-hâl: Ömer Efendi b. Ali, Ali b. Halil, Hüseyin b. Ali, Ahmed Beşe b. Osman