Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 180 Hüküm no: 96 Orijinal metin no: [23b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Bey b. Abdullah’ın terekesinin muhasebesi Defter oldur ki Mahmiye-i Galata a‘mâlinden Kal‘a-i Boğazkesen mahallâtından el-Hâc Kemâl mahallesinde sâkin iken bundan akdem vefât eden el-Hâc Hüseyin Bey b. Abdullahˈın hayatında cümle terekesinin sülüsünü ahz ü kabz ve hasbemâ yurîd-i vücûh-ı hayrâta sarfa vasî-i muhtâr nasb ve ta‘yîn eylediği kal‘a-i mezbûre kethudâsı Mustafa Ağa b. Hüseyin biˈl-vesâye sarf ettiği husûslardır ki müteveffâ-yı mezbûrun zevcesi Emetullah bt. Hızır ile li-ebeveyn kız karındaşı Âişe nâm hatunların ba‘deˈl-münâza‘a ma‘rifetleriyle ve zeyl-i defterde isimleri muharrer olan Müslimîn huzûrunda meclis-i şer‘de görülen muhâsebe ve mesârifidir ki zikrolunur. Hurrire fiˈl-hâmis-i aşer min-Saferiˈl-hayr li-sene erba‘a ve semânîn ve elf. Vasî-i mezbûrun makbûzu olan ber-mûceb-i defter-i kassâm sülüsân 44040 Minhaˈl-ihrâcât veˈl-mesârif Yine kal‘a-i mezbûrede Torlak Ali Mescidiˈnin kanâdîl yağına, muvakkıdına ve mütevellîsine mevkūfe nükūd-ı esedî 37.5, fî 120, yekûn 4500 Müteveffâ-yı mezbûrun karındaşı oğlu olup esir olan Mehmedˈin hakkı içün karındaşı İsmailˈe teslîm esedî fî 120, zolta 1, akçe 41 yekûn 5000 Mezbûre Âişeˈnin fakīre bâkire kızı Kerîmeˈnin cihâzı içün anasına teslîm esedî 1, 41, zolta 1, fî 120, yekûn 5000 Müteveffâ-yı mezbûrun yedisinde tabh olunan çöreğe esedî 2, yekûn 240 Kendi techîz ve tekfîni ve ıskāt-ı salât ve yevm-i mevtinde helvâsına vesâir masârafına esedî 1, fî 20 fî 120, yekûn 2400 Arpaemini Mescidiˈne Mısır hasırına 1500 Müteveffâ-yı mezbûrun mu‘takası Yaseminˈe ber-mûceb-i hüccet-i şer‘iye esedî fî 121, fî 25, yekûn 3000 el-Hâc Kemâl Mescidi mihrâbına seccâde 10, esedî fî 3 yekûn 360 el-Hâc Kemâl Mescidiˈnin kaba hasır 15, Mısır hasırı 8 yekûn 3000 Paşmakçı Şücâ‘ Mescid-i Şerîfiˈnin sofası meremmetine 1 esedî 20, fî 120 yekûn 2400 Mârrüˈz-zikr Torlak Mescidi hasırına Mısrî fiˈl-cümle yekûn 680 Mârrüˈz-zikr el-Hâc Kemâl Mescidiˈne kaliçe 8, esedî 64, fî 120, yekûn 8680 Merkūm el-Hâc Kemâl Mescidiˈnin kanâdîl demirlerine ve zincirlerine ve üstâdiyesine 1800 Eşyâ-i mezbûrenin İstanbulˈdan getirmek için kayıklar ücretine ve hammâliye ve çavuşa 880 Vasî-i mezbûr-ı merkūmetân Ümmiye ve Âişeˈyi bâlâda tahrîr olunduğu üzre vücûh-ı hayrâta sarfa vekîl etmekle yedlerine teslîm eylediği meblağ 5000 Yekûn 44040 kırk dört bin kırk dört akçedir Şuhûdüˈl-hâl: Ahmed Çavuş b. Ahmed el-mübâşir, Mustafa Efendi b. Ahmed el-imâm, Hüseyin Halîfe b. Mustafa el-müezzin, Osman Ağa b. Süleyman, Receb Beşe b. Yahya, Süleyman Çelebi b. Mustafa, el-Hâc Ali Efendi el-imâm, el-Hâc Ali b. Abdullah