Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 202 Hüküm no: 113 Orijinal metin no: [27a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum Ahmed Reis b. Ali’nin terekesinden, karısı Ümmühani’ye olan mehir borcunun ödenmesi Mahmiye-i Galata a‘mâlinden kasaba-i Tophâneˈde Cihangir mahallesinden olup İstanköyˈde fevt olan Ahmed Reis b. Aliˈnin verâseti zevcesi Ümmühani b. Aliˈye ve anası Aynî bt. Mustafaˈya ve li-ebeveyn er karındaşı Mehmed Beşe ve kız karındaşları Havva ve Emineˈye münhasıra oldukdan sonra işbu bâ‘isetüˈl-kitâb merkūme Ümmühaniˈnin vekîli olup zât-ı mezbûreyi ma‘rifet-i şer‘iye ile ârifân olan Mehmed Efendi b. Hüseyin ve Mehmed b. el-Hâc Yusuf şehâdetleriyle şer‘an vekâleti sâbite olan İsmail Efendi b. Mehmed Efendi meclis-i şer‘de tereke-i müteveffâ-yı mezbûra vâzi‘atüˈl-yed olan merkūmânın vekîl-i müseccelleri Hüseyin Bey b. Abdülcelil mahzarında da‘vâ edip müvekkilemin ceyyid ve cedîd müteveffâ-yı merkūm zimmetinde mütekarrer beş bin akçe mehrini almazdan mukaddem fevt olmağla hâlâ terekesinden biˈl-vekâle taleb ederim suâl olunsun dedikde gıbbeˈs-suâl veˈl-inkâr ve ba‘de talebiˈl-beyyine udûl-ı ricâlden Mehmed Efendi b. Hüseyin ve Mehmed b. el-Hâc Yusuf li-ecliˈş-şehâde meclis-i şer‘a hâzırân olup isreˈl-istişhâd fiˈl-hakīka müteveffâ-yı mezbûr hayatındazevcim mezbûrenin ceyyid-i cedîd beş bin akçe deynim vardır deyü huzûrumuzda ikrâr ve bizi işhâd eyledi biz bu husûsa şâhidleriz şehâdet dahi ederiz deyü her biri edâ-i şehâdet-i şer‘iye eylediklerinde isre-ri‘âyet-i şerâyitiˈl-kabûl şehâdetleri makbûle oldukdan sonra müvekkile-i mezbûr ba‘deˈt-tahlîf mûcebiyle hüküm birle mâ vaka‘a biˈt-taleb ketb olundu. Fiˈt-târihi’l-mezbûr. Şuhûdüˈl-hâl: es-Sâbıkūn