Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 202 Hüküm no: 114 Orijinal metin no: [27a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Çelebi b. Ahmed’in, ölen kişideki alacağının vekilinden tahsil edilmesini talep ettiği İşbu bâ‘isüˈl-kitâb Ali Çelebi b. Ahmed meclis-i şer‘de vekîl-i mezbûr mahzarında da‘vâ edip müteveffâ-yı mezbûra ikrâz ettiğim on beş esedî guruş hakkımı kableˈl-ahz fevt olmağla hâlâ terekesinden taleb ederim suâl olunsun dedikde gıbbeˈs-suâl veˈl-inkâr ba‘de talebiˈl-beyyine udûl-ı Müslimînˈden Osman Çelebi b. Ahmed ve Ramazan b. Hasan li-ecliˈş-şehâde meclis-i şer‘a hâzırân olup isreˈl-istişhâd fiˈl-vâki‘ müteveffâ-yı mezbûr hayatında müdde‘î-i mezbûra karz on esedî guruş deynim vardır deyü huzûrumuzda ikrâr ve bizi işhâd eyledi biz bu husûsa şâhidleriz şehâdet dahi ederiz deyü her biri edâ-i şehâdet-i şer‘iye eylediklerinde isre-ri‘âyet-i şerâyitiˈl-kabûl şehâdetleri makbûle oldukdan sonra müdde‘î-i mezbûr ba‘deˈt-tahlîf mûcebiyle hüküm birle mâ vaka‘a biˈt-taleb ketb olundu. Fiˈt-târîhiˈl-mezbûr. Şuhûdüˈl-hâl: es-Sâbıkūn