Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 210 Hüküm no: 120 Orijinal metin no: [28a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babası ölen Emrullah adlı çocuğa nafaka takdir ettiği Hazret-i Ebâ Eyyûb-i Ensârî mahallâtından İdris Köşkü mahallesinde sâkin iken bundan akdem vefât eden Halil b. Mehmed’in Emrullah nâm sagīr oğluna müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını sagīr-i merkūmun ceddesi ve vasîsi olup hâlen mahalle-i mezbûrede sâkine olan Sabiha bt. Mustafa nâm hatun taleb etmeğin, hâkim-i muvakkı‘-ı sadr-ı kitâb dahi sagīr-i merkūma nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt yirmi akçe farz ve takdîr edip vakt-i zarûretde istidâne ve hîn-i zaferde rücû‘a mezkûre Sabiha hatuna izin birle mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’l-hâmis ve’l-işrîn min-Safer li-sene 84 Şuhûdü’l-hâl: es-Sâbıkūn