Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 210 Hüküm no: 121 Orijinal metin no: [28a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karcı Halil Çelebi’nin oğlu Emrullah’ın eski vasîsi Kadri Ağa’nın yeni vasî Sahiba bt. Mustafa’ya terekeyi teslim ettiği Hazret-i Eyübˈde İdris Köşkü mahallesinden iken vefât eden İsa b. Halil Beşeˈnin oğlu Emrullah nâm sagīrin vasî-i mansûbu olup talebiyle azl olan Kadri Ağaˈnın baʽdeˈl-muhâsebe hıfz ve yedinde olup sagīr-i mezbûrun ceddesi ve hâlâ taraf-ı şerʽden vasî-i mansûbu olan Sabiha Hatun bt. el-Hâc Mustafa nâm hatuna ledeˈş-şerʽ defʽ ve teslîm eylediği meblağ ve zimem ve rihândır ki vech-i âtî üzre zikrolunur. Hurrire fî-evâhir-i Saferiˈl-hayr li-sene erbaʽa ve semânîn ve elf. Der-zimmet-i İbrahim Çelebi biˈl-kefâle mezbûre Sabiha meblağ-ı mezbûr akçedir 24825 Der-zimmet-i Papas gelini Şem Nasrâniye mahalle-i mezbûrede sâkinedir esedî yüz akçe hesâbınca meblağ 6160 mukābelesinde birer ayaklı bir çift elmas küpe ve bir çift endişe altın bilezik ve bir mücevher İstefan vasî-i cedîdde rehindir Der-zimmet-i Kaya Hatun meblağ 500 mukābelesinde bir mücevher bilezik vasî-i cedîdde rehindir meblağ-ı mezbûr akçedir Der-zimmet-i mezbûre Kaya meblağ 2, fî 1500 mukābelesinde bir semenî altın mühür ve bir ön kuşak rehindir Bakır evânî bahâsı 6500 aynı bakır vasî-i cedîdde teslîm Der-kîse nakd 60649 meblağ-ı mezbûr vasî-i merkūma teslîm şode kezâlik esedî yüzer akçe hesâbıncadır Yekûn 100134 meblağ-ı mezbûr yüz bin yüz otuz dört akçedir