Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 211 Hüküm no: 122 Orijinal metin no: [28a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum Ağa b. Ali’nin, Merhum Osman Ağa b. Abdullah’taki alacağının vasî eliyle varislerinden tahsil edildiği Mahmiye-i Galataˈya tâbiʽ kasaba-i Tophâneˈde Firuzağa mahallesi sâkinlerinden iken bundan akdem vefât eden Ağa b. Aliˈnin sagīr oğlu Süleyman ve sagīre kızları Fatma ve Havva ve Hadiceˈnin kıbel-i şerʽden mansûb vasîleri ve vâlideleri Âişe bt. Muharrem nâm hatunun husûs-ı âtîye hüccet-i şerʽiyye ile vekîli olan Hüseyin Bey b. Abdülcelil meclis-i şerʽde yine kasaba-i mezbûrede el-Hâc Memi mahallesinden olup sâbıkā kayık kapıcısı iken vefât eden Osman Ağa b. Abdullahˈın terekesine vâziʽüˈl-yed olan işbu ashâbüˈr-rakīm zevcesi Hadîce bt. Ahmed ve sülbî kebîr oğlu Mustafa Çelebi ve kebîre kızı Safiye tarafından zikri câ’î ikrârı tasdîka vekîl-i şerʽîsi ve zevci Ali Çelebi iken İsmail mahzarlarında biˈl-vekâle ikrâr ve takrîr-i kelâm edip ve sıgār-ı mezkûrîne babalarından intikāl edip müteveffâ-yı merkūm Osman Ağa zimmetinde deyn-i şerʽîden bâkī kalan yüz otuz esedî guruşu merkūm Osman Ağaˈnın veresesi mezkûr huzûr-ı hâkimüˈş-şerʽde baʽdeˈd-daʽvâ veˈl-isbât edâsına hükm-ı şerʽî lâhık oldukdan sonra müteveffâ-yı mezbûr Osman Ağaˈnın terekesi düyûn-ı müsbete-i kesîresi olmağla dâyinleri beyninde taksîm olundukda sıgār-ı mezkûrînin hisselerine on bin yüz kırk akçe isâbet etmeğin meblağ-ı mezbûr on bin yüz kırk akçeyi vekâletim hasebiyle merkūmûn Hadîce ve Mustafa Çelebi ve vekîl-i mezbûr Ali Çelebi yedlerinde biˈt-tamam ahz u kabz eyledim dedikde [28b] gıbbeˈt-tasdîk mâ vakaʽa biˈt-taleb ketb olundu. Fiˈs-sâdis veˈl-ışrîn min-Saferiˈl-hayr li-sene erbaʽa ve semânîn ve elf. Şuhûdüˈl-hâl: el-Hâc Hüseyin Efendi el-imâm, Salih Ağa b. İbrahim, Ali Bey b. İsmail, Mehmed Çavuş b. Yusuf el-mübâşir, Mustafa Beşe b. Abdullah, Sahin Beşe b. Abdullah, İsa Bey el-muhzır