Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 231 Hüküm no: 139 Orijinal metin no: [31b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kanije Seferi’nde ölen Himmet Beşe’nin çocuklarına, karısı Rabia’nın vasî tayin edildiği Mahrûse-i Galata a‘mâlinden kasaba-i Fındıklıˈda Süheyl Bey mahallesinden olup Kanice Seferiˈnde vefât eden el-Hâc Himmet Beşeˈnin sulbî sagīr oğulları Yahya ve Süleyman ve sagīre kızları Fatma ve Rukiyeˈnin tesviye-i emirlerine kıbel-i şer‘den bir vasî fehm olup vesâyet-i mezbûreyi bilâ-ücret kimesne kabûl etmemeğin hâkim-i muvakki‘-i kitâb dahi sıgār-ı mezbûrînin tesviye-i emirlerine işbu râfi‘atüˈl-kitâb müteveffâ-yı mezbûrun zevcesi Râbia bt. Ali nâm hatunu beher yevm onar akçe ücret ile vasî nasb ve ta‘yîn olundukda ol dahi kabûl ve merâsimini edâya ta‘ahhüd etmeğin mâ vaka‘a biˈt-taleb ketb olundu. Fiˈl-âşir min-Zilhicce sene [10]83. Şuhûdüˈl-hâl: Ömer Efendi b. Ali, İsa Bey b. Halil, Hüseyin b. Ali, Ahmed b. Abdullah, Mehmed b. Ali, Ahmed b. Osman, Ali b. Veli