Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 249 Hüküm no: 149 Orijinal metin no: [34b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum Nesîmî Beşe b. Ahmed’in çocuklarının yeni vasîsi Rabia’nın eski vasîden terekeye ait tüm paraları teslim aldığı Mahmiye-i Galata mahallâtından Arab Câmii mahallesinde sâkin iken bundan esbak vefât eden Nesîmî Beşe b. Ahmedˈin sagīr oğlu Ahmedˈin tesviye-i emrine kıbel-i şerî‘at-i mergūbeden vâsî nasb olunan anası Râbia bt. Mehmed nâm hatun meclis-i şer‘-i hatîr-i lâzımüˈt-tevkīrde sagīr-i mezbûrun mukaddemâ tesviye-i emrine savb-ı şer‘den mansûb vasîsi olan işbu râfi’üˈr-rakīm Hüseyin Beşe b. [35a] Ahmed mahzarında biˈl-vesâye ikrâr ve takrîr-i kelâm mezkûr Hüseyin Beşe biˈl-vesâye sagīr-i mezkûre babası müteveffâ-yı mezbûrun terekesinden ber-mûceb-i defter-i kassâm-ı askerî intikāl ve isâbet eden doksan beş bin iki yüz seksen bir akçesini ahz u kabz etmişidi elhâletü hâzihî mezbûre Hüseyin Beşe vesâyet-i mezkûreden azl ve yerine ben vasî nasb ve ta‘yîn olunmağla ben dahi biˈl-vesâye meblağ-ı mezbûru merkūm Hüseyin Beşe yedinden biˈt-tamam ahz u kabz edip mal-ı sagīr-i merkūmdan mezkûr Hüseyin Beşe yedinde vechen mineˈl-vücûh sagīr-i mezbûrun hak ve alâkası kalmadı dedikde gıbbeˈt-tasdîkiˈl-mu‘teber mâ vaka‘a biˈt-taleb ketb olundu. Fiˈl-hâmis min-şehri Rebî‘ülâhir li-sene [10]84. Şuhûdüˈl-hâl: Mâ-sebakūn