Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 249 Hüküm no: 150 Orijinal metin no: [35a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babaları ölen üç çocuğa vasî atadığı Mahmiye-i Galata muzâfâtından Tophâne mahallâtından Kazgancıbaşı mahallesinde sâkin iken bundan akdem vefât eden Ali Reis’in Mustafa, Abdullah ve Musa nâm evlâd-ı sıgārının tesviye-i umûruna vasî lâzım olmağın, hâkim-i askerî el-muvakkı‘-ı a‘lâhü el-mütevakkı‘ rızâi rabbihî ve mevlâhu, sıgār-ı mezbûrînin müteveffâ-yı mezbûr babalarından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğlarına değin hâmil-i hâze’l-kitâb Şükrullah Çelebi b. Ahmed nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’l-hâdî aşer min-şehri Rebî‘i’l-âhir li-sene erba‘a ve semânîn ve elf. Şuhûdü’l-hâl: Ahmed Efendi b. Şaban, Şaban Çelebi b. Ahmed, Ali Çelebi b. Mehmed, Hüseyin Çelebi b. Ali, Ali Beşe b. Abdullah, Ahmed b. Osman