Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 265 Hüküm no: 161 Orijinal metin no: [37b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keyvan b. Abdullah’ın, merhum Ali Reis b. Ahmed’in zimmetindeki alacağını varislerinden talep ettiği İşbu bâ‘isüˈl-kitâb Keyvan b. Abdullah nâm kimesne meclis-i şer‘-i hatîrde lâzımüˈt-tevkīrde mahrûse-i Galata a‘mâlinden kasaba-i Topbhâneˈde Cihangir mahallesi sükkânından olup bundan mukaddem Azak nâm mahâlde vefât edip verâseti zevcât-ı metrûkâtı Âişe bt. Abdullah ve Fatma bt. Abdullah ve Havva bt. Abdullah nâm hatunlar ile sulbî sagīr oğulları Hasan ve Ahmed ve İbrahimˈe münhasıra olduğu şer‘an mütehakkık olan Ali Reis b. Ahmedˈin zevcât-ı metrûkâtı Âişe bt. Abdullah ve Fatma bt. Abdullah ve Havva bt. Abdullah nâm hatunlar ile sulbî sagīr oğulları Hasan ve Ahmed ve İbrahimˈe münhasıra olduğu şer‘an mütehakkık olan Ali Reˈis b. Ahmedˈin zevcât-ı metrûkâtından olup sıgār-ı mezbûrûnun tesviye-i umûruna kıbel-i şer‘den mansûbe vasîleri ve merkūme Âişe ve Fatma taraflarından husûs-ı âtiˈl-beyâna vekîl-i müseccelleri olan mezkûre Havva mahzarında üzerine da‘vâ ve takrîr-i kelâm edip mütevveffâ-yı mezbûr Ali Reis yedinde cihet-i mudârebe-i şer‘iyeden elli esedî guruş hakkım olup hayatında meblağ-ı mezbûrun yirmi esedîsini bana def‘ ve teslîm otuz esedîsini yedinde iken fevt olmağla hâlâ taleb ederin suâl olunsun dedikde gıbbeˈs-suâl ve akībeˈl-inkâr ve isre-talebiˈl-beyyine udûl-ı Müslimînˈden olup kasaba-i mezbûre Karabaş mahallesinden olup el-Hâc Mustafa b. el-Hâc Hasan ve Ekmekçibaşı mahallesinden Mehmed b. Mustafa nâm kimesneler li-ecliˈş-şehâde meclis-i şer‘a hâzırân olup istişhâd olunduklarında fiˈl-hakīka müdde‘î-i mezbûr müteveffâyı vech-i meşrûh üzre huzûrumuzda ahz u kabz eyledi biz bu husûsa şâhidleriz şehâdet dahi ederiz deyü her biri edâ-i şehâdet eylediklerinde ba‘de ri‘âyeti merâsimiˈl-kabûl işhâd eyledi makbûle oldukdan sonra müdde‘î-i mezbûr meblağ-ı mezkûrun ahzına i‘tirâf eyledi yirmi esedî guruşdan mâ‘adâsını müteveffâ-yı mezbûrun hayatında küllen ve ba‘zan ahz ve istifâ ve turûk-ı şer‘iyeden bir turûk ile ibrâ eylediğine gıbbeˈt-tahlîfiˈş-şer‘î mûcebiyle ba‘deˈl-hükm mâ vaka‘a biˈt-taleb ketb olundu. Fiˈl-yevmiˈs-sânî veˈl-işrîn li-sene erba‘a ve semânîn ve elf. Şuhûdüˈl-hâl: es-Seyyid Mustafa Kapudan, Mahmud Çelebi b. Hüseyin Reis, Hacı Ali Çukacı, Hüseyin b. Ali