Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 285 Hüküm no: 178 Orijinal metin no: [41a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Mehmed Çelebi adlı çocuğa vasî atadığı Mahmiye-i Galata muzâfâtından Beşiktaş mahallâtından Sinan Paşa-yı atîk mahallesinde sâkine iken bundan akdem vefât eden Âişe bt. Mehmed nâm merhûmenin Mehmed Çelebi nâm sagīr oğlunun tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīr-i mezbûrun müteveffât-ı mezbûre anasından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğuna değin hâmil-i hâze’l-kitâb Mehmed Çelebi b. Mustafa nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’t-tâsi‘ min-şehri Rebî‘i’l-âhir li-sene erba‘a ve semânîn ve elf. Şuhûdü’l-hâl: Mehmed Ağa b. Mustafa, Bekir Çelebi b. İbrahim, Ali Bey b. Halil, Hüseyin Çelebi b. Mehmed