Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 286 Hüküm no: 179 Orijinal metin no: [41b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Ayşe adlı çocuğa nafaka takdir ettiği Mahmiye-i Galata muzâfâtından Beşiktaş mahallâtından Sinan Paşa-yı atîk mahallesinde sâkine iken bundan akdem vefât eden Âişe bt. Mehmed nâm merhûmenin Hadîce bt. Mehmed nâm sagīre kızına müteveffât-ı mezbûreden müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını( ) taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīre-i mezkûreye nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt beş akçe farz ve takdîr edip meblağ-ı mefrûzu sagīre-i mezkûrenin havâicine sarfa ve vakt-i zarûretde istidâne ve hîn-i zaferde rücû‘a ( )’a [41b] izin birle mâ-vaka‘a biˈt-taleb ketb olundu. Cerâ zâlike ve hurrire fi’l-işrîn min-şehri Rebî‘i’l-âhir li-sene erba‘a ve semânîn ve elf. Şuhûdü’l-hâl: Mâ-sebeka