Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 331 Hüküm no: 214 Orijinal metin no: [49b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babaları ölen Hamide ve Emetullah adlı çocuklara nafaka takdir ettiği Hâl-i hayatında mahmiye-i Galata muzâfâtından Kasımpaşa mahallâtından Kulaksız Ahmed mahallesinde sâkin iken bundan akdem tarîk-ı hâcda vefât eden el-Hâc Halil b. Mehmed’in Hamide ve Emetullah nâm sagīre kızlarına müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını, mahmiye-i Galata muzâfâtından Kasımpaşa mahallâtından Kulaksız Ahmed mahallesinde sâkine olananaları ve hâdineleri Fâtıma bt. es-Seyyid el-Hâc Mehmed taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīreteyn-i mezkûreteyne nafaka ve kisve-bahâ için mal-ı mûrisden zeylde mezkûr târihden külle yevm her birine râyicü’l-vakt on akçe, cem‘an yirmi akçe farz ve takdîr edip meblağ-ı mefrûzu sagīreteyn-i mezbûreteynin havâicine sarfa ve vakt-i zarûretde istidâne ve hîn-i zaferde rücû‘a mezbûre Fâtıma hatuna izin birle mâ-vaka‘a biˈt-taleb ketb olundu. Cerâ zâlike ve hurrire fî-gurreti Cumâdelûlâ li-sene erba‘a ve semânîn ve elf. Şuhûdü’l-hâl: Mâ-sebeka