Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 332 Hüküm no: 216 Orijinal metin no: [50a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Mehmed Çelebi adlı çocuğun nafakasını artırdığı Dâhil-i mahmiye-i Galata’da vâki‘ Sultan Bâyezid mahallesinde sâkin iken bundan akdem vefât eden es-Seyyid el-Hâc Hasan’ın es-Seyyid Mehmed Çelebi nâm sagīr oğlunun nafakası, kisvesi ve sâir havâic-i lâzımesi için sâbıkā kıbel-i şer‘den farz ve takdîr edilen yevmî altı akçenin adem-i kifâyeti, sikātın ihbârıyla ledeˈl-hâkim-i askerî zâhir ve mütehakkık olmağla hâkim-i mûmâ ileyh, hacr ve terbiyesi altında bulunduğu annesi Kaya bt. Mehmed’in talebi ile bundan akdem vefât eden er-karındaşı Hasan Çelebi’nin terekesinden alınmak üzere yevmî dört akçe daha ziyâdeyle cem‘an on akçe farz ve takdîr edip meblağ-ı mefrûzu sagīr-i mezbûrun havâicine sarfa ve vakt-i zarûretde istidâne ve hîn-i zaferde rücû‘a mezbûre Kaya hatuna izin birle mâ-vaka‘a biˈt-taleb ketb olundu. Cerâ zâlike ve hurrire fî-gurreti Cumâdelâhire li-sene 84. Şuhûdü’l-hâl: es-Seyyid (…?) b. Mehmed, Mehter b. Mehmed el-muhzır, Ahmed b. Osman, Hüseyin b. Ali