Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 359 Hüküm no: 239 Orijinal metin no: [54b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Mehmed Emin Çelebi adlı çocuğa nafaka takdir ettiği Mahmiye-i Galata tevâbi‘inden Beşiktaş kasabası mahallâtından Sinanpaşa-yı cedîd mahallesinde sâkine iken bundan akdem vefât eden Rukiye bt. merhûm Mehmed Efendi’nin Mehmed Emin Çelebi b. İbrahim Efendi nâm sagīr oğluna müteveffât-ı mezbûre anasından müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını, yine mahalle-i mezbûre sükkânından İbrahim Efendi b. Mehmed taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīr-i mezkûra nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt on beş akçe farz ve takdîr edip meblağ-ı mefrûzu sagīr-i mezbûrun havâicine sarfa ve vakt-i zarûretde istidâne ve hîn-i zaferde rücû‘a mezbûr İbrahim Efendi’ye izin birle mâ-vaka‘a biˈt-taleb ketb olundu. Cerâ zâlike ve hurrire fî-gurreti Receb li-sene [1084]. Şuhûdü’l-hâl: el-Hâc Ali Bey, Murad Çelebi b. Ahmed, Ömer Efendi b. Ali, Ömer Bey b. Mustafa, Hüseyin Çelebi b. Ali