Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 392 Hüküm no: 263 Orijinal metin no: [61b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Beşe b. Halil’in terekesi Mahrûse-i Galata muzâfâtından kasaba-i Kasımpaşaˈda Kulaksız Ahmed mahallesinde sâkine iken bundan akdem vefât eden Ahmed Beşe b. Halil nâm kimesnenin verâseti zevce-i metrûkesi Safiye bt. Abdullah ile sulbî oğulları Mehmed Çelebi ve Ali ve Pir Mehmed ile sulbiye kızları Fatma ve Âişeˈye münhasıra olup kableˈl-kısme mezbûr Ali dahi vefât edip verâseti anası mezbûre Safiyeˈye ve li-ebeveyn kız karındaşı mezbûre Âişe ile ve li-ebeveyn er karındaşı Pir Mehmedˈe münhasıra olup kableˈl-kısme mezbûr Mehmed dahi vefât edip verâseti vâlidesi merkūme Safiyeˈye ve li-ebeveyn kız karındaşı mezbûre Âişeˈye ve li-eb kız karındaşı mezkûre Fatma ile li-eb er karındaşı mersûm Mehmedˈe münhasıra olup kableˈl-kısme mezkûr Mehmed dahi vefât edip verâseti ancak li-eb kız karındaşları Fatma ve Âişeˈye münhasıra olup kableˈl-kısme merkūme Âişe dahi vefât edip verâseti vâlidesi mezkûr Safiye ile [62a] li-eb kız karındaşı mezbûre Fatmaˈya münhasır olduğu şer‘an zâhir ve mütehakkıka oldukdan sonra terekeleridir ki bi-tarîkıˈl-münâsaha vech-i âtî üzre zikrolunur. Fî-gurreti Recebiˈl-ferd li-sene erba‘a ve semânîn ve elf. El-hissetüˈl-müntakille Mineˈl-menzileyn 42105 Mineˈl-eşyâ 02485 44590 Minhâ Dört meyyitin techîz ve tekfînine 2000 Resm-i âdî 660 Kassâmiye 220 Kalemiye 110 Huddâmiye, ihzâriye 110 Üç def‘a mi‘mâ[r]lara 440 Mesârif-i müteferrika 555 Deyn-i müsbet Kalaycı Mehmed aniˈl-karz 650 Mârrüˈz-zikr dört meyyitin günde dokuz akçe hayvanlarına hüccet-i şer‘iye ile altı ayda müctemi‘ olan nafakalarına verilen meblağ 1620 Yekûn 6760 Sahhuˈl-bâkī 37830 Hisse-i üm 14400 Hisse-i uht 23424