Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 753 Hüküm no: 976 Orijinal metin no: [116a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacca gidecek olan Halil Efendi’nin vakıf mütevelliliğine Ahmed Efendi’yi vekil tayini Mahmiye-i İstanbul’da vâki‘ merhûm Emîn-i Ganem Mustafa Çavuş medresesi’nin ber vech-i tekā‘üd müderrisi ve yevmî on akçe vazîfe ile vakfın mütevellîsi olan fahrü’l-müderrisîn es-Seyyid Halil Efendi b. Mehmed meclis-i şer‘-i şerîf-i enver ve mahfil-i dîn-i münîf-i ezherde işbu râfi‘ü’l-kitâb Ahmed Efendi b. Mehmed nâm kimesne mahzarında ikrâr ve takrîr-i kelâm edip ben işbu sene-i mübârekede hacc-ı şerîfe teveccüh ve azîmet etmeğin varıp gelinceye değin tevliyyet-i mezkûrenin umûrunu görmeğe tarafımdan yevmî beş akçe vazîfe ile merkūm Ahmed Efendi’yi kāimmakām nasb ve ta‘yîn eyledim dedikde ol dahi kabûl [ve] hizmet-i lâzımesini kemâ yenbağī edâya ta‘ahhüd etmeğin mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min şehri Ramazâni’l-mübârek li sene seb‘a ve seb‘în ve elf Şuhûdü’l-hâl: Abdurrahman Efendi [b.] Ali, Hatîbzâde Nurullah Çelebi, Mahmud Efendi b. Mehmed el-İmâm, Mustafa Efendi b. ( )el-İmâm, Halil Çelebi b. İbrahim.