Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 554 Hüküm no: 368 Orijinal metin no: [89b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babası ölen Mehmed adlı çocuğa vasî atadığı Mahmiye-i Galata tevâbi‘inden Tophâne kasabası mahallâtından Ebulfazl mahallesinde sâkin iken bundan akdem vefât eden Mehmed nâm müteveffânın Mehmed nâm sagīr oğlunun tesviye-i umûruna vasî lâzım olmağın, hâkim-i hâsim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīr-i mezbûra müteveffâ-yı mezbûrdan irs-i şer‘le intikāl eden mallarını hıfz ve hallerini zabt için evân-ı rüşd ve hadd-i bulûğuna değin hâmil-i hâze’l-kitâb fahrü’l-akrân Mehmed Ağa b. Ahmed nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’l-âşir min-Şa‘bâni’l-mu‘azzam li-sene erba‘a ve semânîn ve elf. Şuhûdü’l-hâl: Mustafa Çelebi b. Hudâverdi, el-Hâc Ömer b. Mustafa, Ali Beşe b. Nasuh, Receb Beşe b. Ahmed, Mehmed Bey b. Mehmed, Halil Çelebi b. Ahmed, Mustafa Çelebi b. Firuz, Mehmed Halîfe b. Ahmed