Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 574 Hüküm no: 390 Orijinal metin no: [94a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dilaver Bey’in, merhum Saraç Mustafa Kapudan’daki alacağını vasîden talep ettiği Mahmiye-i Galataˈya tâbi‘ kasaba-i Tophâne mahallâtından el-Hâc Memi mahallesi sükkânından olup işbu bâ‘isüˈl-kitâb Dilaver Bey b. Abdullah nâm kimesne meclis-i şer‘-i hatîr-i lâzımüˈt-tevkīrde mahalle-i mezbûre sâkinlerinden olup bundan akdem deryâda şehîden vefât eden Sarrâc Mustafa Kapudanˈın evlâd-ı sıgārlarının tesviye-i umûrları’çün kıbel-i şer‘den mansûb vasîleri olmağla muhallefâtına vâzi‘uˈl-yed olan Abdülkadir Çelebi mahzarında üzerine da‘vâ ve takrîr-i kelâm edip müteveffâ-yı mezbûrun sıhhat-i hâlinde zimmetinde cihet-i deyn-i şer‘îden üç bin üç yüz kıt‘a esedî guruş hakkım olup Mısırˈa gider oldukda meblağ-ı mezbûr hâlâ zimmetinde deynimdir deyip alâ-ruûsiˈl-işhâd ikrâr dahi etmişdir lâkin kableˈl-ahz vefât etmekle tereke-i vâfiyesinden vermek üzere vasî-i mezbûrdan taleb ederim suâl olunup tenbih olunmak murâdımdır dedikde gıbbeˈs-suâl veˈl-inkâr müdde‘î-i mezbûrdan da‘vâsına mutâbık beyyine taleb olundukda udûl-ı Müslimînˈdenel-Hâc İshak b. Nurullah ve Salih Çelebi b. Receb nâm kimesneler li-ecliˈş-şehâde hâzırân biˈl-meclis olup isreˈl-istişhâd fiˈl-vâki‘ müteveffâ-yı mezbûr sıhhat-i hâlinde bizim huzûrumuzda müdde‘î-i mezbûra ber-vech-i muharrer üç bin üç yüz kıt‘a esedî guruş zimmetimde lâzımüˈl-edâ deynim vardır deyü ikrâr ve bizi işhâd eyledi biz bu husûsa şâhidleriz şehâdet dahi ederiz deyü her biri edâ-i şehâdet-i şer‘iye eylediklerinde ba‘de ri‘âyet-i şerâ’itiˈl-kabûl şehâdetleri makbûle olmağın gıbbeˈt-tahlîfiˈş-şer‘î mûcebiyle ba‘deˈt-tenbîh mâ vaka‘a biˈt-taleb ketb olundu. Fiˈl-yevmiˈl-âşir min-Şaʻbâniˈl-mu‘azzam li-sene erba‘a ve semânîn ve elf. Şuhûdüˈl-hâl: es-Sâbıkūn