Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 760 Hüküm no: 989 Orijinal metin no: [117b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc İsmail b. Ali’nin, el-Hâc Mehmed Ağa’da alacağı olduğu Çukacı tâifesinden bâ‘isü’l-kitâb el-Hâc İsmail b. Ali nâm kimesne meclis-i şer‘-i şerîf-i Ahmedî ve mahfil-i dîn-i münîf-i Muhammedî’de el-Hâc Mehmed Ağa b. Arslan mahzarında üzerine da‘vâ ve takrîr-i kelâm edip yedimden müşterâ ve makbûz beynimizde ma‘lûm çuka ve kumaş bahâlarından mezbûr Mehmed Ağa zimmetinde elli sekiz esedî guruş hakkım vardır suâl olunup alıverilmek matlûbumdur dedikde, gıbbe’s-suâl mezbûr el-Hâc Mehmed Ağa cihet-i mezbûreden müdde‘î-i mezbûra zimmetinde vâcibü’l-edâ ve lâzımü’l-kazâ elli sekiz esedî guruş deyni olduğunu tâyi‘an ikrâr etmeğin mûcebince meblağ-ı mezbûr elli sekiz esedî guruşu müdde‘î-i mezbûra edâya merkūm el-Hâc Mehmed Ağa’ya tenbîh olunmağın mâ hüve’l-vâki‘ bi’t-taleb ketb olundu. Fi’l-yevmi’s-sâdis min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Es-Sâbikūn.