Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 580 Hüküm no: 398 Orijinal metin no: [95a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe ve Ümmühani’nin, anneleri Fatma’dan kalan terekeyi Musa’dan teslim aldıkları Mahmiye-i Galataˈya tâbi‘ kasaba-i Tophâne mahallâtından İlyas Çelebi mahallesinde sâkine iken bundan akdem vefât eden Fatma bt. el-Hâc Hüseyinˈin verâseti sadriye kebîre kızları Âişe ve Ümmühani ve sagīre oğlu Mustafaˈya münhasıra olduğu şer‘an zâhir ve mütebeyyin oldukdan sonra mezbûretân Âişe ve Ümmühani, meclis-i şer‘-i hatîr-i lâzımüˈt-tevkīrde müteveffât-ı mezbûrenin muhallefâtına vâzi‘uˈl-yed olan el-Hâc Musa b. el-Hâc Hüseyin el-müteveffâ el-mezbûr mahzarında bi-tav‘ihâ her biri ikrâr ve takrîr-i kelâm edip vâlidemiz müteveffât-ı mezbûrenin muhallefâtı bi-tarîkıˈl-âdiye merkūm el-Hâc Musa tasarrufunda olup ve mahalle-i mezbûrede vâki‘ menzilde olan hisse-i şer‘iyelerimizi bey‘ edip semenlerini ve bize intikāl eden terekeleri merkūm Musa yedinden alıp kabz eyledik ba‘deˈl-yevm vâlidemiz müteveffât-ı mezbûrenin muhallefâtına ve menzil-i mezbûrede olan hisse-i şer‘iyelerimize müte‘allika da‘vâ ve nizâ‘dan merkūm el-Hâc Musa Bey zimmetini ibrâ-i âmm-ı kātı‘uˈn-nizâ‘ ile ibrâ ve ıskāt eyledik dediklerinde gıbbeˈt-tasdîk mâ vaka‘a biˈt-taleb kaydolundu. Fî 19 min-Zilka‘detiˈş-şerîfe sene 1084. Şuhûdüˈl-hâl: Abdülbaki Çelebi, Ahmed Efendi b. Yusuf, Hasan Efendi b. Muslı, el-Hâc Mustafa b. İbrahim, el-Hâc Mehmed b. İbrahim.