Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 763 Hüküm no: 992 Orijinal metin no: [118a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Havva bt. Mehmed Çelebi adlı çocuğa nafaka takdir edildiği Hâkim, Havva bt. Mehmed Çelebi nâm sagīrenin nafakası, kisvesi ve sâir havâic-i zarûriyyesi için, mahmiye-i Kostantıniyye mahallâtından Murad Paşa-yı Atîk mahallesinde sâkine olan Belkıs bt. Abdullah nâm annesi ve hâdinesinin talebiyle mezbûr Mehmed Çelebi üzerine, zeylde mezkûr târihden i‘tibâren yevmî râyicü’l-vakt beş akçe farz ve takdîr etti ve meblağ-ı mefrûz-i mezbûru, sagīre-i mezkûrenin havâicine sarf etmesine ve vakt-i hâcette istidâne edip vakt-i zaferde mezbûr Mehmed Çelebi’ye rücû‘ etmesine mezkûre Belkıs’a izin verdi. Cerâ zâlike ve hurrire fi’l-yevmi’s-sânî min Şevvâli’l-mükerrem sene seb‘a ve seb‘a ve elf. Şuhûdü’l-hâl: Mehmed Efendi b. Ahmed el-İmâm, Mehmed Efendi b. Hasan el-Kayyım, Mehmed Çelebi b. Ramazan, Abdullah Çelebi b. Mehmed.