Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 683 Hüküm no: 488 Orijinal metin no: [114b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin’in, merhum Kaymak Kapudan zimmetindeki alacağını varislerden talep ettiği Mahmiye-i Galata hâricinde el-Hâc A‘mâ mahallesinde sâkin işbu bâ‘isüˈl-vesîka el-Hâc Hüseyin b. Memi meclis-i şer‘-i hatîrde mahmiye-i mezbûre hâricinde Şahkulu mahallesinde sâkin iken bundan akdem vefât eden Kaymak Kapudan b. Rıdvanˈın verâseti zevce-i metrûkesi Âişe Hanım bt. Mehmed ile vâlidesi Hadîce bt. Hasanˈa münhasıra olduğu şer‘an zâhir ve müte‘ayyin oldukdan sonra tereke-i müteveffâ-yı mezbûra vâzi‘uˈl-yed olan mezbûre Hadîce mahzarında üzerine da‘vâ ve takrîr-i kelâm edip müteveffâ-yı mezbûr zimmetinde mukaddemâ ma‘lûmüˈl-esâmî abd-i memlûklarım bedelinden zimmetinde bâkī yüz esedî guruşumu kableˈl-ahz fevt olup hatta meblağ-ı mezbûr hâlâ bana deyni olduğunu alâ ruûsiˈl-işhâd ikrâr ve işhâd dahi etmekle hâlâ müteveffâ-yı merkūmun terekesinden olmak üzre mezbûre Hadiceˈden taleb ederim suâl olunsun dedikde gıbbeˈs-suâl veˈl-inkâr müdde‘î-i mezbûrdan müdde‘âsına beyyine taleb olundukda udûl-ı ricâlden el-Hâc Hasan Efendi b. Abdülgaffar ve Halil Beşe b. Hasan li-ecliˈş-şehâde meclis-i şer‘a hâzırân olup isreˈl-işhâd fiˈl-hakīka müteveffâ-yı mezbûr hayatında müdde‘î-i mezbûr abd-i memlûkları bedelinden zimmetimde meblağ-ı mezbûr yüz esedî guruş deynimdir deyü huzûrumuzda ikrâr ve bizi işhâd eyledi biz bu husûsa şâhidleriz şehâdet dahi ederiz deyü her biri edâ-i şehâdet-i şer‘iye eylediklerinde isre-ri‘âyet-i şerâ‘itiˈl-kabûl şehâdetleri makbûle oldukdan sonra müdde‘î-i mezbûr ba‘deˈt-tahlîf mûcebiyle hüküm birle mâ vaka‘a biˈt-taleb ketb olundu. Fiˈl-hâmis-i aşer min-Saferiˈl-hayr li-sene hamse ve semânîn ve elf. Şuhûdüˈl-hâl: Mâ-sebak