Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 719 Hüküm no: 525 Orijinal metin no: [122a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Topçu Mehmed Beşe’nin, kızı merhume Hatice’nin kızı olan Ayşe’yi kendi vesayetine aldığı Mahmiye-i Galataˈya tâbi‘ kasaba-i Fındıklıˈda Süheyl Bey mahallesinde sâkin Topçu Mehmed Beşe b. Hasan meclis-i şer‘de sâbıkā dâmadı olan işbu bâ‘isüˈl-vesîka Mehmed Çelebi b. Abdullah mahzarında ikrâr ve takrîr-i kelâm edip mezbûre Mehmed Çelebiˈnin zevcesi iken fevt olan kızım Hadiceˈnin firâşından hâsıl Âişe nâm sagīreyi kendi mâlımla infâk ve iktisâ edip mezbûr Mehmed Çelebiˈde nafaka ve kisve-bahâ taleb etmek üzere mezkûr sulbî sagīre-i mezbûreyi bana teslîm ve ben dahi vech-i muharrer üzere tesellüm ve kabûl ve mâlımla infâk ve iksâ etmeğe ta‘ahhüd eyledim dedikde gıbbeˈt-tasdîkiˈş-şer‘î mâ vaka‘a biˈt-taleb ketb olundu. Fiˈl-yevmiˈs-sâmin-i aşer min-şehri Rebî‘iˈl-evvel li-sene hamse ve semânîn ve elf. Şuhûdüˈl-hâl: Ömer Efendi b. Ali, Hüseyin Efendi b. Abdülvahhab eş-şehîr Bayrak İmâm, Mahmud Beşe b. Mustafa, Üstâd Ahmed b. Bayram, Ali Beşe b. Halil, Dayı Mehmed Çelebi b. Ali Galatalı