Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 726 Hüküm no: 531 Orijinal metin no: [123b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vasî Rahime’ye vesayetindeki çocuklar ile onların hizmetçilerine nafaka ve diğer ihtiyaçları için harcama yapması için izin verildiği Mahmiye-i Galataˈya tâbi‘ kasaba-i Kasımpaşaˈda el-Hâc Hasan mahallesi sükkânından olup işbu sene-i mübârekede tarîk-i hâcc-ı şerîfde vefât eden el-Hâc Mustafa Kapudan b. İbrahimˈin sülbî sagīr oğlu Mustafa Çelebi ve sagīre kızı Âişeˈye babaları müteveffâ-yı mezbûrun terekesinde kendilere isâbet eden mal-ı mevrûslarından nafaka ve kisve-bahâ mühim olmağla hâkim-i muvakki‘-i sadr-ı kitâb ve tûbâ-lehû ve hüsnü-meâb hazretleri anaları Rahime talebiyle sagīrân-ı mezbûrânın nafaka ve kisveleri ve îdiyyeleri ve sayfiye ve şitâ’iyyeleri içün hâdimeleriyle mal-ı mevrûslarından târih-i kitâbda küll-i yevm otuz akçe farz ve takdîr edip vakt-i zarûretde istidâne ve hîn-i zaferde rücû‘a izin birle mâ vaka‘a biˈl-taleb ketb olundu. Fiˈl-âşir min-şehri Rebî‘iˈl-evvel li-sene hamse ve semânîn ve elf. Şuhûdüˈl-hâl: Mehmed Efendi halîfe-i muhâsebe, Süleyman Efendi el-imâm, Mehmed Efendi Arabzâde, Bekir Kapudan b. Ömer, Hasan Çelebi b. Ömer, el-Hâc Şa‘bân b. Rahmet, Ali Yazıcı, Hasan Çelebi b. ( ), Ömer Efendi b. Ali Nafaka