Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 773 Hüküm no: 569 Orijinal metin no: [131a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayyım Mehmed’in, merhum Mehmed b. Osman’ın evini borçları sebebiyle satışına izin istediği Mahmiye-i Galataˈya tâbiʽ kasaba-i İstinyeˈde Kürkçübaşı mahallesinden olup bundan akdem Boğdan vilâyetinde vefât eden el-Hâc Mehmed b. Osmanˈın düyûnu terekesini müstağraka olmağla terekesine savb-ı şerʽden kayyım nasb olunan el-Hâc Mehmed b. Ömer meclis-i şerʽde takrîr-i kelâm edip müteveffâ-yı mezbûrun tereke-i menkūlesi düyûn-ı müsbetesine vefâ etmeyip ancak mahalle-i mezbûrede vâkiʽ maʽlûmüˈl-hudûd veˈl-müştemilât bir kıtʽa menzili kalmağla menzil-i mezbûr dahi semen-i misli ile âhara beyʽa savb-ı şerʽden bana izin verilmesi matlûbumdur dedikde hâkim-i muvakkiʽ-i sadr-ı kitâb tûbâ-lehû ve hüsnü-meâb hazretleri dahi vech-i muharrer üzere zarûret-i düyûn-ı müsbete içün menzil-i mezbûrun beyʽine merkūm el-Hâc Mehmedˈe izin birle mâ vakaʽa biˈt-taleb ketb olundu. Fî-evâil-i Muharremiˈl-harâm li-sene hamse ve semânîn ve elf. Şuhûdüˈl-hâl: es-Sâbıkūn