Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 783 Hüküm no: 582 Orijinal metin no: [134a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Kapudan’ın sekiz aylık terekesinin muhasebesi Defter oldur ki Mahmiye-i Galataˈya tâbiʽ kasaba-i Kasımpaşaˈda el-Hâc Hasan mahallesinde sâkin olup tarîk-i hacda dâr-ı bekā olan merhûm el-Hâc Mustafa Kapudan b. İbrahimˈin seksen dört senesi Recebiˈnin gurresinde hacca teveccüh ettikde husûsa tarafından vekâlet-i mutlaka-i âm ile vekîli olan bâʽis-i hâzeˈd-defter İsmail Çelebi b. Veliˈnin merhûm-ı mezbûrun mevti haberi geldiği işbu sene-i Saferüˈl-hayrıˈnın gāyetine değin sekiz ayda husûs-ı meşrûh olan maldır ki merhûm-ı mezbûrun zevcesi işbu Rahime Hatun bt. Veli talebi ve müvekkile zeyl-i defterde isimleri muharrer olan Müslimîn huzûrunda görülen muhâsebesidir ki zikrolunur. Hurrire fi-gurret-i Cumâdelûlâ li-sene hamse ve semânîn ve elf. An mahsûl-ı hamam-ı ricâl Gurre-i Receb sene [10]84 4900 Şa‘bân 6431 Ramazan 6549 Şevval 7059 Zilkaʽde 6027 Zilhicce 6777 Muharremüˈl-harâm sene 1085 6234 Saferüˈl-hayr 4509 Fi gurre-i Receb an hamam-ı nisvân 3058 Şa‘bân 5650 Ramazan 6546 Şevval 6331 Zilkaʽde 6330 Zilhicce 6127 Muharremüˈl-harâm 5967 Saferüˈl-hayr 5093 Nâzırların sekiz ayda mahsûlü 2633 Dellâkların sekiz ayda mahsûlü 4309 Yekûn Ricâl 47685 Nisâ 44612 92297 Kayıkçıların sekiz ayda mahsûlü 1089 İki kayığın sekiz ayda icâresi 1156 Hamalların sekiz ayda mahsûlü 5434 Cemʽan yekûn 92297 16561 Çürükdür 108858 Minhaˈl-ihrâcât Mesârif ve bi-maʽrifet-i Rahime Hatun el-mezbûre Beher şehir altışar yüz akçeden Hatib Efendiˈye verilen sekiz ayda vazîfe 4800 Beher şehir beşer yüz akçeden mezbûre Rahimeˈye verilen sekiz ayda 4000 Beher şehir altışar yüz akçeden külhâncıya verilen sekiz ayda ücret 4800 Merhûm-ı mezbûrun sekiz ayda hânesine alıverilen lahm bahâsı 11000 Avratlar hamamında zâyiʽ olup mâlikine verilen bir sîm kuşak bahâsı 1350 Sekiz ay içinde iştirâ olunan yüz seksen altı çeki odun semeni hammâliyesiyle 9305 Merhûm-ı mezbûrun terekesini tahrîr ve taksîm içün kassâmiyyesi, resmi, taʽâmiye ve sâir harcı 17600 Merhûm-ı mezbûrun sekiz ayda hânesine ve hamamlarına sarf olunup hâlâ aleˈl-inkırâz keresteye verilen meblağ 31938 Merhûm-ı mezbûrun vefâtından sonra üç ayda bir tahvîl olmak üzere hamam îfâsı›çün mütevelliye 18900 Ve mezbûr İsmail Çelebiˈnin günde ikişer semen ücretten sekiz ayda cemʽan 6400 Cemʽan yekûn 110093 Bu taʽbîrce mezbûr İsmail Çelebiˈnin makbûzundan bin iki yüz otuz beş akçe ziyâdesi geçmişdir baʽdehû işbu sene şehri Rebîʽülevveliˈnde mezbûr İsmail Çelebiˈnin vesâyeti sâbite oldukdan sonra biˈl-vesâye zimemden ve hamamdan kabz ve baʽdehû sarf ettiğidir zikrolunur. Pîrî Kapudanˈdan alınan esedî 2 Kara Mustafaˈdan alınan esedi 3 Kasab Mahmudˈdan alınan esedî 11 Laz Mahmudˈdan alınan esedî 35 Fundaˈdan alınan esedî 40 Goncaˈdan alınan esedî 5 [134b] Üsküdarîˈden alınan esedî 14 08 22 Cemʽan yekûn esedî 123, fî 120 1476 Hamam-ı ricâlden ve nisâdan 9454 bi-hesâb-ı cedîd 6300 Ali Reisˈden alınan 2985 Baʽdehû mezbûr İsmail Çelebiˈye ammâlinden verese-i mezbûreye ikrâr ettiği meblağ 4400 Cemʽan yekûn 28445 sağdır cümlesi Minhaˈl-ihrâc fî şehri Rebîʽüˈl-evvel Odun çeki 4, fî 433 esedî 1962, fî 120 14036 Ketân kantar 1 660 Harc-ı defter 1 842 Kalemiye, huddâmiye, ihzâriye 280 Mesârif-i müteferrika 480 Yekûn 16298 on altı bin iki yüz doksan sekizdir Sahhuˈl-bâkī 12149 sağdır on ikibin yüz kırk dokuzdur Hisse-i Rahime 1518 Hisse-i ibn Mustafa 7086 Hisse-i bint Âişe 3543 Fî 3 Şuhûdüˈl-hâl: Süleyman Efendi el-imâm, Mehmed Halîfe el-müezzin, Mustafa b. Hüseyin el-kâtib, Abdi Çelebi b. Mehmed, el-Hâc Mahmud Beşe b. Hüseyin, el-Hâc İbrahim b. Ali, Veli Kapudan b. Ömer, el-Hâc İbrahim b. Mustafa, Mustafa Çelebi b. Hüsameddin, el-Hâc İbrahim b. Abdullah, el-Hâc Abdullah b. Abdullah