Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 802 Hüküm no: 594 Orijinal metin no: [136b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhume Ayşe bt. Kaya’nın oğluna vasî tayin olunan Mehmed Beşe’ye, Fatma’nın nâzır tayin edildiği Mahmiye-i Galataˈda kasaba-i Tophâneˈde Firuzağa mahallesinde sâkine iken bundan akdem vefât eden Âişe bt. Kayaˈnın sadrî kebîr oğlu Mustafaˈnın tesviye-i emrine kıbel-i şer‘den mansûb vasî olan Mehmed Beşe b. Mustafaˈnın üzerine nasb-ı nâzır dahi lâ-büd olmağın hâkim-i muvakki‘-i sadr-ı kitâb ve tûbâ-lehû hüsnü-meâb hazretleri işbu bâ‘isüˈl-kitâb Fatma bt. ( ) her vecihle nezâret-i mezbûreye kādire olmağla vech-i muharrer üzere vasî-i mezbûrun üzerine hasbî nâzır nasb ve ta‘yîn eyledikde ol dahi nezâret-i mezbûreyi kabûl ve merâsimini edâya müte‘ahhid olmağın mâ vaka‘a biˈt-taleb ketb olundu. Fiˈl-yevmiˈs-sâlis-i aşer min-şehri Cumâdelûlâ li-sene hamse ve semânîn ve elf. Şuhûdüˈl-hâl: Ömer Efendi b. Ali, Ali Beşe b. Halil, Ahmed b. Osman, Hüseyin b. Ali, Hasan Çelebi b. İshak