Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 803 Hüküm no: 595 Orijinal metin no: [136b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhume Ayşe bt. Kaya’nın oğlu Mustafa’ya, Mehmed Beşe’nin vasî tayin olduğu Mahmiye-i Galata hâricinde kasaba-i Tophâneˈde Firuz [Ağa] mahallesinde sâkine iken bundan akdem vefât eden Âişe bt. Kayaˈnın verâseti zevc-i metrûku Mustafa Ağa ile vâlidesi Fatma bt. Ali ve sadrî kebîr oğlu Mehmed ve sagīr oğlu Mustafaˈya münhasıra olduğu zâhir ve müte‘ayyin oldukdan sonra sagīr-i mezbûr Mustafaˈnın anası mezbûrdan müntakil malını hıfz ve hâlini zabta bir vasiyye dahi lâ-büd olmağla işbu râfi‘üˈl-kitâb Mehmed Beşe b. Mustafa nâm kimesne dindâr ve müstakīm vesâyet-i mezbûre uhdesinden gelmeğe kādir kimesnedir deyü zeyl-i kitâbda isimleri muharrer olan Müslimîn ihbâr etmeleriyle hâkim-i muvakki‘-i sadr-ı kitâb tûbâ-lehû ve hüsnü-meâb hazretleri dahi sagīr-i mezbûrun tesviye-i emrine vech-i muharrer üzere mezbûr Mehmed Beşeˈyi vasî nasb ve ta‘yîn eyledikde ol dahi vesâyet-i mezbûreyi kabûl ve merâsimini edâya müte‘ahhid olmağın mâ vaka‘a biˈt-taleb ketb olundu. Fiˈl-yevmiˈs-sâlis-i aşer min-şehri Cumâdelûlâ li-sene hamse ve semânîn ve elf. Şuhûdüˈl-hâl: Ömer Efendi b. Ali, Ali Beşe b. Halil, Ahmed b. Osman, Hüseyin b. Ali, Hasan b. İshak