Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 811 Hüküm no: 605 Orijinal metin no: [138a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe’nin terekesinden varislere intikal eden bağın satış ve kiralanması için Habib Bey’in vekil tayin edildiği Mahmiye-i Galata muzâfâtından İstinye nâhiyesine tâbi‘ Sarıyar nâm karyede sâkin Mustafa Çelebi b. Ali meclis-i şer‘de mahmiye-i İstanbulˈda Kaliçeci Hasan mahallesinde sâkin iken bundan akdem vefât eden el-Hâc Mustafa Beşe b. İbrahim nâm kimesnenin sulbiye kızı Arzi nâm sagīrenin kıbel-i şer‘den mansûb vasîsi olan bâ‘isüˈl-kitâb Habib Bey b. Veli mahzarında ikrâr ve takrîr-i kelâm edip karye-i mezbûrede vâki‘ bir tarafdan Pavlo ve bir tarafdan Yani nâm zimmîler bağları ve iki tarafdan tarîk-i âmma müntehî bir kıt‘a bağımı mezbûr Habib Beyˈe yüz elli esedî guruşa bey‘ ve teslîm edip ol dahi mal-ı sagīre ile bi-tarîkıˈl-istiğlâl iştirâ ve teslîm ettikden sonra semeni olan meblağ-ı mezbûr yüz elli esedî guruşa vasî-i mezbûr yedinden ahz u kabz ettikden sonra yine vasî-i mezbûr bağ-ı merkūmu târih-i kitâbdan yüz seksen bir gün tamamına değin on bir esedî ve bir rub‘ esedî ücret ile bana îcâr ve ben dahi istîcâr ettiğimden sonra eğer meblağ-ı mezbûr ile ücret-i mezkûreyi ecl-i mezbûr tamamında edâ etmezsem bağ-ı mezbûru semen-i misline bey‘ ve semeninden deyn-i mezkûrumu ba‘deˈl-istifâ fazla kalırsa bana îsâle tarafeynden azl ve in‘izâlden masûn vekâlet-i devriye ile vasî-i mezbûr Habibˈi vekîl nasb ve ta‘yîn eyledim dedikde ol dahi kabûl ve hizmet-i lâzımesini edâya ta‘ahhüd etmeğin mâ vaka‘a biˈt-taleb ketb olundu. Fiˈl-hâmis-i aşer min-Cumâdelûlâ li-sene hamse ve semânîn ve elf. Şuhûdüˈl-hâl: es-Sâbıkūn