Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 774 Hüküm no: 1009 Orijinal metin no: [119b-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Menahem v. Kalaf’ın, İsrail v. Yako’ya bilezik bahasından borçlu olduğu Yahud tâifesinin Alaman cemâ‘atinden bâ‘isü’s-sifr İsrail v. Yako nâm Yahudi meclis-i şer‘-i hatîr-i lâzımü’t-tevkīrde Menahem v. Kalaf nâm Yahudi muvâcehesinde üzerine da‘vâ ve takrîr-i kelâm edip yedimden müşterâ ve makbûz beynimizde ma‘lûm altın bilezik bahâsından on sekiz esedî guruş mezbûr Menahem zimmetinde hakkım vardır suâl olunup alıverilmek matlûbumdur dedikde gıbbe’s-suâl mezbûr Menahem cevâbında müdde‘î-i mezbûr cihet-i mezbûreden zimmetinde vâcibü’l-edâ ve lâzımü’l-kazâ on sekiz esedî guruş deyni olduğunu tâyi‘an ikrâr ve i‘tirâf etmeğin mûcebince meblağ-ı mezbûru müdde‘î-i mezbûra edâya merkūm Menahem’e tenbîh olunmağın mâ hüve’l-vâki‘ bi’t-taleb ketb olundu. Fi’l-yevmi’t-tâsi‘ min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Mehmed Bey b. Abdullah, Hasan Çelebi b. Ahmed, Veli b. Mahmud, Mustafa Muhzır.