Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 774 Hüküm no: 1010 Orijinal metin no: [120a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bogasici Minas v. Kirakos’un bogasi işinden ortağına borçlu olduğu Mahmiye-i İstanbul hısn-ı ebvâbından Samatyakapısı dâhilinde sâkin işbu bâ‘isü’s-sifr Vatsafa v. Prehor nâm zimmî meclis-i şer‘-i hatîr-i lâzımü’t-tevkīrde Minas v. Kirakos nâm zimmî muvâcehesinde üzerine da‘vâ ve takrîr-i kelâm edip gāib ani’l-meclis Asvador v. ( ) nâm zimmî ile ben bogasi çırpmak san‘atında şerîk olup mezbûr Asvador ile ma‘an merkūm Minas’ın iki bin beş yüz bogasisini çırpıp üçer semenden mezbûr Minas zimmetinde yedi bin akçe hakkım olup meblağ-ı mezbûrdan dört bin akçesini şerîkim mezbûr Asvador’a def‘ ve teslîm edip bâkī zimmetinde üç bin akçe hakkımız kalmışdır suâl olunup alıverilmek matlûbumdur dedikde gıbbe’s-suâl mezbûr Minas cevâbında kaziyye bâlâda tahrîr olunduğu vech üzre olduğunu ikrâr ve i‘tirâf etmeğin ikrâr mûcebince meblağ-ı mezbûr üç bin akçeyi müdde‘î-i mezbûra edâya merkūm Minas’a tenbîh birle mâ vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min Ramazâni’l-mübârek li sene seb‘a ve seb‘în ve elf. Şuhûdü’l-hâl: Mehmed Bey b. Abdullah, İbrahim Çelebi b. Ahmed, Hasan Çelebi b. Ahmed, Veli b. Mahmud.