Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 812 Hüküm no: 607 Orijinal metin no: [138b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vasî Mülayim bt. Abdullah’ın, Arzi’nin nafaka ve diğer ihtiyaçlarına harcama yapması için izin talep ettiği Hüccet-i Nafaka Mahmiye-i Galata muzâfâtından İstinye nâhiyesine tâbi‘ Sarı[yar] nâm karyede sâkine işbu bâ‘isetüˈl-vesîka Mülâyim bt. Abdullah nâm hatun meclis-i şer‘-i şerîfde takrîr-i kelâm edip zevcim olup bundan akdem vefât eden el-Hâc Mustafa Beşe b. İbrahimˈin firâşından hâsıl benden mütevellide işbu Arzi nâm sagīrenin mukaddemâ babası müteveffâ-yı mezbûrun terekesinden intikāl eden mal-ı mevrûsundan nafaka ve kisvesiçün hâkimüˈş-şer‘ günde üç akçe farz ve takdîr etmişidi elhâletü hâzihî müteveffâ-yı mezbûrun mukaddemâ olan defter-i kassâmdan hâric mâlı zuhûr etmemekle mukaddemâ farz olunan üç akçenin üzerine dahi kadr-ı kifâye nafaka ve kisve-bahâ zam olunması murâdımdır dedikde hâkim-i muvakki‘-i sadr-ı kitâb tûbâ-lehû ve hüsnü-meâb hazretleri târih-i kitâbdan günde on iki akçe dahi zam ve takdîr edip cem‘an külle yevm on beş akçe olur vakt-i zarûretde istidâne ve hîn-i zaferde rücû‘a merkūme Mülâyimˈe izn birle mâ vaka‘a biˈt-taleb ketb olundu. Fiˈl-hâmis veˈl-işrîn min-Cumâdelûlâ li-sene hamse ve semânîn ve elf. Şuhûdüˈl-hâl: es-Sâbıkūn