Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 829 Hüküm no: 622 Orijinal metin no: [141a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arzi’ye vasî tayin edilen Habib Bey’e, nafaka ve diğer ihtiyaçlar için terekeden harcama yapmasına izin verildiği Mahmiye-i İstanbulˈda Kaliçeci Hasan mahallesinde sâkin iken bundan akdem vefât [eden] el-Hâc Mustafa Beşe b. İbrahimˈin sulbiye kızı olup hâlâ mahmiye-i Galata a‘mâlinden İstinye nâhiyesine tâbi‘ Sarıyar nâm karyede sâkine anası Mülâyim bt. Abdullah nâm hatunun hacr ü terbiyesinde olan Arzi nâm sagīreye babası müteveffâ-yı mezbûrdan ba‘dehû müte‘âkiben vefât eden kız karındaşları Râbia ve Döndüˈden intikāl ve isâbet eden mal-ı mevrûsu hıfz ve hâlini zabta kıbel-i şer‘den mansûb vasîsi olan hâmil-i hâzeˈl-kitâb Habib Bey b. Veli nâm kimesneye hâkim-i muvakki‘-i sadr-ı kitâb tûbâ-lehû hüsnü-meâb hazretleri ücreti içün külle yevm sagīre-i mezbûrenin mâlından on akçe ücret ta‘yîn etmekle mezbûr Habib Bey dahi kabûl ve merâsimini edâya [edâya] müte‘ahhid olmağın mâ vaka‘a biˈt-taleb ketb olundu. Fiˈl-işrîn min-Cumâdelûlâ li-sene hamse ve semânîn ve elf. Şuhûdüˈl-hâl: Ömer Efendi b. Ali, Hasan Çelebi b. İshak, Hüseyin Çelebi b. Ali, Ahmed b. Osman, Veli b. Ali