Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 778 Hüküm no: 1014 Orijinal metin no: [120b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fener nahiyesindeki köylerden yeniçeri kirpasının tahsili ve defterdara teslim edilmesine Bakkal Dimitri v. Pordi’nin vekil tayin edildiği Vilâyet-i Rumeli’nde medîne-i Yenişehir müzâfâtından Fener nâhiyesi tevâbi‘inden olup Yeniçeri kirpasına ta‘yîn olunan karyelerden Vleş nâm karye ahâlîsinden Dimo v. Şiro ve Tirzol nâm karye ahâlîsinden Kostantin v. Anton ve Drama? nâm karye ahâlîsinden Dimo v. Yani ve Kreşova nâm karye ahâlîsinden Yani v. İskarlet ve Kalimyon nâm karyeden Dimo v. Podzoni ve Torovat nâm karyeden Polizo v. Dimo ve Karılmış nâm karyeden Dimo v. Yani ve Komoryana nâm karyeden Panayot v. Celeb ve Doneşte nâm karyeden Kireççi v. Yani ve Kastanye nâm karyeden Rizo v. Dimitri ve Zendene nâm karyeden Yani v. Yorgi ve Nihor nâm karyeden Dimitri v. Manol ve Blazdo nâm karyeden Aleksandra [v.] Andron ve Kolane nâm karyeden Oyar v. Yani ve Meşkolo nâm karyeden Diyako v. Nikola ve Pezole nâm karyeden Toroş v. Kosta ve Mides nâm karyeden Nikola v. Dimitri ve Igladirne nâm karyeden Kiryaki v. Todori ve Pramerye nâm karyeden Papa Yorgi v. Nikola ve Kadice nâm karyeden Hristo v. Yani ve Graniçe nâm karye ahâlîsinden Todori v. İsteryo nâm zimmîler kendi taraflarından asâleten ve her biri sâkin olduğu karyesinin kavm-i mahsûr olan sâir zimmîler taraflarından husûs-ı âti’l-beyâna âharı dahi tevkîle me’zûn sâbitü’l-vekâle vekîlleri olmağla vekâleten meclis-i şer‘-i şerîf-i Ahmedî ve mahfil-i dîn-i münîf-i Ahmedî’de zikr olunan Kreşova karyesi ahâlîsinden bâ‘isü’l-kitâb Bakkal Dimitri v. Pordi nâm zimmî muvâcehesinde her biri ikrâr ve takrîr-i kelâm edip işbu bin yetmiş ( ) senesinde bizim müvekkillerimizin üzerine taraf-ı mîrîye teslîmi lâzım olan kırk iki bin iki yüz bir top kirpas ve her bir top kirpasın harcı için ta‘yîn ettiğimiz beşer buçuk akçeyi kurâ-yı mezbûre ahâlîsinden cem‘ ve tahsîl ve cem‘ ettiği meblağ-ı mezbûrdan mu‘tâd-ı kadîm üzre defterdâra havâle ve anbar harçlarına defterdârdan alınacak teslîm temessükü harcına verip bize temessük alıverdikden sonra bâkī kalanı kendi ücreti olmak üzre mezbûr bakkal Dimitri’yi vekîl ve nâib-i menâb nasb ve ta‘yîn eyledik dediklerinde merkūm Bakkal Dimitri dahi vekâlet-i mezbûreyi kabûl ve hizmet-i lâzımesini edâya ta‘ahhüd etmeğin mâ hüve’l-vâki‘ bi’t-taleb ketb olundu. Fi’l-yevmi’l-hâmis ve’l-ışrîn min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: Mehmed Çelebi b. Abdullah Kethüdâ-yı muhzırân, Abdi Çelebi b. Hüseyin, Şükrullah Bey b. Mustafa, Hasan b. Ahmed, İbrahim b. Ahmed.