Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 779 Hüküm no: 1016 Orijinal metin no: [120b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc Satı’nın vakfettiği evin, sulehâdan Mehmed Efendi’ye verilmesi Mahmiye-i İstanbul’da Yeni Bahçe kurbunda Karabaş mahallesinde vâki‘ ashâb-ı hayrâtdan el-Hâc Satı nâm kimesnenin süknâsı sulehâya meşrûta vakfı olup lede’l-ahâlî ve’l-cîrân ma‘lûmü’l-hudûd menzilin sulehâdan olup tevcîh-i hâkim ile mutasarrıf olan fahrü’l-kuzât Abdullah Efendi b. eş-Şeyh İbrahim süknâ-yı menzil-i mezbûrdan kasr-ı yed etmeğin mezbûr Abdullah Efendi’nin sulbî oğlu olup süknâya eşedd-i ihtiyâc ile muhtâc ve sulehâdan olan bâ‘isü’l-kitâb Mehmed Efendi’ye menzil-i mezkûr şart-ı vâkıf üzre savb-ı şer‘den tevcîh olunup tasarrufu için bu vesîka-i enîka alâ mâ hüve’l-hakīka ketb olundu. Fi’l-yevmi’l-âşir min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Fahrü’l-müderrisîn Ömer Efendi [b.] İsmail, Mehmed b. Ramazan, Mehmed Efendi [b.] Abdülbâkī.